Transcription
1
Monseigneur, jay veu par votre lettre du XVIe de ce mois que n’aviés encore nouvelle
2
que le sieur de Montbrun voulsist accepter la suspension darmes, que je vous en puis autant
3
dire du sieur viconte de Paulin, lequel ne la voulu accepter qu’il n’ait ladvis de
4
tous les generaulx, comme sont le sieur de Serignac, les vicontes de Panat, de
5
Gordon et autres semblables chefz, lesquelz font contenance ne prendre en bonne part
6
que ceulx de Nysmes. Sans eulx ayent accordé une surseance darmes encore que ce ne
7
soit que pour leur regard et pour les adherer, voulans sy est ce que ledit sieur viconte
8
de Paulin a escrit à monseigneur le marechal qu’il ne reffuze la conference et monsieur
9
de l’Hospital a aussy escrit quil sacheminera moyennant le passeport en la
10
forme quil demande, et mondit seigneur le marechal le luy a accordé en la mesme
11
forme. Je ne m’asseure de rien, sinon de ce qui est advenu, et suis sur Guillot le
12
songeux de tout ce qui adviendra. Je regrette avecques vous la perte qu’avez faicte
13
de monsieur de la Marcousse qui estoit ung brave et vaillant gentilhomme
14
et desireux dacquerir louenge par vertu. Vous serés instruict de bouche par le
15
sieur de Montbasin laisné, present porteur, sur la suffizance duquel me remettant,
16
je feray fin à la presente, par mes humbles reommandations à votre bonne grace,
17
priant le Createur,
18
monseigneur, vous conserver en la sienne. De Montpellier, ce XXIIe jour
19
de mars 1574
20
Vostre à jamais plus fidelle et plus
21
affectionné serviteur, Truchon
22
Je pensoys bien que ce mot
23
nolens voulans est plus
24
advantaigeux pour les uns que
25
pour les aultres. sed quid agas